01 Bargosoahpamuš
Päivitetty: 24.3.2026
Bargosoahpamušas meroštallojuvvo, mainna eavttuiguin bargguid barget. Dat lea juridihkalaččat čadni iige das sohppojuvvon áššiid sáhte rievdadit dahje burgit ovttabealálaččat. Juos ovdamearkka dihte bargguid ordnestallamiin dahje bálkámáksimis šaddá ruossalasvuođadilli, vuosttamužžan gehččojuvvo, maid leat ovttas soahpan.
Daga álot bargosoahpamuša čálalažžan. Njálmmálaš soahpamuš lea maid čadni, muhto dan duođašteapmi lea váddásut. Juos don it ádde mannu oasi bargosoahpamušas, jeara maid dat mearkkaša. Sáhtát maiddái dáhtut soahpamuša mielde ja čájehit dan váikkoba iežat vánhemiidda dahje bargosaji luohttámušolbmui.
Muitte čielggadit áššiid, ovdal go čálát vuollái, go dan maŋŋá sisdoalu lea váttis rievdadit.
Dárkkis ahte du bargosoahpamušas lea
- Bargoaddi ja bargi namma.
- Beaivi, goas bargu álgá.
- Leago barggus geahččalanáigi ja man guhkki dat lea?
- Leago bargu fásta bargu vai mearreáigásaš vai leago sáhka bargohárjehallamis?
- Gos bargu bargojuvvo?
- Bargoáigi nappo galle diimmu bargguid barget.
- Mat leat du doaimmat barggus?
- Man olu barggus máksojuvvo bálká?
- Beaivi, goas bálká máksojuvvo.
- Jahkeluomu čoagganeapmi.
- Eretcealkináigi.
- Man bargoeaktosoahpamuša du barggus čuvvot?