05 Mo bargogaskavuohta nohká dahje loahpahuvvo?

Geahččalanáiggi goabbá beare sáhttá burgit bargosoahpamušas eretcealkináiggi haga. Dan maŋŋá sihke bargi ja bargoaddi galgaba čuovvut eretcealkináiggi. Juos soahpamuš lea mearreáigásaš, dan ii sáhte cealkit eret ovttabealálaččat.

Geahččalanáigi sáhttá leat eanemusat jahkebealli dahje vuollel jagi bisti mearreáigásaš bargogaskavuođas eanemusat bealli bargogaskavuođa bistimis. Bargoeaktosoahpamušas leat sáhttán soahpat maiddái oanehut geahččalanáiggis.

Bargi ii dárbbaš siva cealkit iežas eret, muhto bargoaddis ferte leat vuođustus. Eretcealkima sivvan sáhttá leat:

• bargi dagahan sivva, nu mo jotkkolaš maŋŋoneapmi barggus dahje barggu bargan funet. Bargoaddi galgá váldoáššálaččat addit bargái váruhusa ja vejolašvuođa divvut dábiidis ovdal eretcealkima.
• buvttadan- dahje ekonomalaš sivva. Dalle ovdamearkka dihte fitnodaga gánnáhahttivuohta lea hedjonan, go ovdamearkka dihte buktagiid dahje bálvalusaid eai oastte ja fitnodaga ruhtadilli lea headju ja galget dorvvastit eretcealkimiidda.

Muitte, ahte dus lea vuoigatvuohta váldit doarjjaolbmo mielde, juos bargoaddi háliida addit dutnje váruhusa dahje eretcealkinalmmuhusa. Doarjjaolmmoš sáhttá leat vaikko bargosuodjalanáittardeaddji. Barggut eai noga dalán eretcealkima dahje iežas eretcealkima maŋŋá, baicca goabbáge dáhpáhusas boahtá vuos eretcealkináigi, man áigge barggut joatkašuvvet dábálaš vuogi mielde.

Jos bázát bargguheapmen, almmut dalán bargguhis bargoohccin ruoktogielddat barggolašvuođabálvalusaide (tyomarkkinatori.fi). Sáhtát oažžut bargguhisvuođadoarjaga dušše áigodagas, goas leat bargoohccin ruoktogielddat barggolašvuođabálvalusain.

Juos don cealkkát ieš iežat eret albma siva haga ja bázát bargguheapmin, don it oaččo dalán bargguhisvuođabuhtadusa, baicca kareanssa.