01 Pargosopâmuš
Päivitetty: 24.3.2026
Pargosopâmušâst miäruštâlloo, moin iävtuiguin pargoh pargojeh. Tot lii juridisávt čannee ijge tast soppum aašijd pyevti mutteđ tâi purgiđ oovtpiälálávt. Jis ovdâmerkkân pargoi orniistâlmijn tâi päälhimäksimist šadda ruossâlâsvuođâtile, vuossâmužžân kiäččoo, mii lii soppum oovtâst.
Toovâ pargosopâmuš ain kirjálâžžân. Njálmálâš-uv lii čannee, mutâ tom tuođâštem lii váddásub. Jis jieh addii mottoom uási pargosopâmušâst, koijâd maid tot meerhâš. Puávtáh meiddei táttuđ sopâmuš mieldásâd já čäittiđ tom veikâ jieijâd vanhimáid tâi pargosaje luáttámušulmui.
Mušte čielgâdiđ aašijd ovdil ko čáláh vuálá, ko ton maŋa siskáldâs lii väädis mutteđ.
Täärhist lii-uv tuu pargosopâmušâst
- Pargoadeleijee já pargee nommâ.
- Peivi, kuás pargo álgá.
- Lii-uv pargoost keččâlemäigi já mon kukke tot lii?
- Lii-uv pargo fastâ pargo vâi meriáigásâš vâi liiuv koččâmuš pargohárjuttâlmist?
- Kost pargo pargoo?
- Pargoäigi adai kalle tiijme pargoh pargojeh.
- Mii tuu pargoid kulá?
- Mon ennuv pargoost máksoo pälkki?
- Peivi, kuás pälkki máksoo.
- Iheluámu čoggâšume.
- Luovâscelkkimäigi.
- Mon pargoiähtusopâmuš tuu pargoost čuávuh?