01 Tuâjjsuåppmõš
Päivitetty: 24.3.2026
Tuâjjsuåppmõõžžâst meärtõõlât, mââi määinaivuiʹm reâuǥat. Tõt lij juriidlânji čõõnni ij-ǥa tõʹst suåppum vueiʹt muʹtted leʹbe puʹrǧǧeed õõutpeällsânji. Jõs ouddmiârkkân tuâjai jäʹrjstõõllmõõžžin leʹbe päʹlǩǩmäʹhssmest puätt risttreiddvueʹǩǩ, vuõssmõsân ǩiõččât, mâid leät õõutâst suåppâm.
Tueʹjjed pâi tuâjjsuåppmõõžž ǩeerjliʹžžen. Njäälmlaž lij še čõõnni, leâša tõn tuõđštummuš lij väʹǯǯlab. Jõs jiõk fiʹtte tuâjjsuåppmõõžžâst koon-ne pääiʹǩ, kõõjj, mâid tõt miârkkšââvv. Vuäitak še raukkâd suåppmõõžž meâldad da čuäʹjted tõn håʹt-i tuu puärrsid leʹbe tuâjjpääiʹǩ oskkumooumže.
Muuʹšt seʹlvvted aaʹššid ouddâl ko vuâllaǩeeʹrjtak, ko tõn mâŋŋa siiskõõzz lij väʹǯǯel muʹtted.
Tääʹrǩest, lie-a tuâjjsuåppmõžstad
- Tuâjjuʹvddi da tuâjjla nõõm.
- Peiʹvv, kuäʹss tuâjj älgg.
- Lij-a tuâjast ǩiččlõddâmäiʹǧǧ da mõõn kuʹǩǩ tõt lij?
- Lij-a tuâjj põõšši avi mieʹrräiggsaž avi lij-a kõõččmõõžžâst tuâjjhaʹrjjtõõllmõš?
- Koʹst reâuǥat?
- Tuâjjäiʹǧǧ leʹbe kâʹll čiâssâd reâuǥat.
- Mõõk lie tuâjad?
- Mâʹmmet tuâjast määuʹset pääʹlǩ?
- Peiʹvv, kuäʹss pääʹlǩ määuʹset.
- Eeʹǩǩluäm nårrjummuš.
- Luõvâs ceäʹlǩǩemäiʹǧǧ.
- Mõõn tuâjjmäinnsuåppmõõžž tuâjstad jääʹǩǩtet?