तपाईं विदेशी कर्मचारी हो भने, तपाईं फिनल्याण्ड आउनु अघि आफ्ना अनुमतिपत्रहरू प्राप्त गर्न सुनिश्चित गर्नुहोस् । एकपटक फिनल्याण्ड पुगेपछि, तपाईंलाई काम गर्ने अधिकार रहेको कुरा तपाईंले आफ्नो रोजगारदातालाई प्रमाणित गर्नु पर्ने छ ।

फिनल्याण्डमा आवास अनुमति बिना काम गर्ने सर्तहरू एलियन्स ऐन (ulkomaalaislaki) मा सूचीबद्ध गरिएका छन् ।

तपाईंको रोजगारदातासँग तपाईंको राहदानी र आवास अनुमतिपत्रको प्रतिलिपि लिने अधिकार छ – तपाईसँग काम गर्ने अधिकार छ भनी प्रमाणित गर्न तिनीहरू बाध्य छन् । तपाईंले अनुमति नदिँदासम्म तपाईंको रोजगारदाताले तपाईंका कागजातहरू रोकेर राख्न सक्दैन । 

काम पाउने उद्देश्यका लागि कहिल्यै पनि भुक्तानी नगर्नुहोस् । फिनल्याण्डमा रोजगारदाताहरूले कर्मचारीहरूसँग काम दिए बापत पैसा माग्नु कानुन वरुद्ध छ ।

थप जानकारी:
फिनिश अध्यागमन सेवा: आवेदन निर्देशन: अङ्ग्रेजी/फिनिश
InfoFinland.fi (अङ्ग्रेजी र फिनिशमा उपलब्ध छ)

उदाहरणका लागि, यदि तपाईं फिनल्याण्डमा कृषि, बागवानी, वनविज्ञान वा पर्यटन क्षेत्र जस्ता विशेष मौसममा काम गर्नुहुन्छ भने तपाईं मौसमी कर्मचारी हो । 

तपाईंको मौसमी रोजगार तीन महिनाभन्दा बढी नहुनेगरी सकिन्छ भने, तपाईंलाई आवास अनुमतिपत्रको आवश्यकता पर्दैन तर मौसमी काम प्रवेश अनुमति (भिसा) वा मौसमी काम प्रमाणपत्रका लागि आवेदन दिन आवश्यक हुने छ ।

थप जानकारी:
फिनिश अध्यागमन सेवा: मौसमी कार्य अङ्ग्रेजी/फिनिश

तपाईं फिनल्याण्ड बाहेक अन्य देशमा काम गर्नुहुन्छ र तपाईंको रोजगारदाताले अस्थायी कामका लागि तपाईंलाई फिनल्याण्ड पठाएको हो भने, तपाईं नियुक्त गरिएको कर्मचारी हो । तपाईंको न्यूनतम भुक्तानी सान्दर्भिक फिनिश संयुक्त सम्झौताअनुसार निर्धारित गरिएरण गरेको हुन्छ ।