02 आफ्ना अधिकार र जिम्मेवारीहरू थाहा पाउनुहोस्
तपाईं र तपाईंको रोजगारदाताका अधिकार र जिम्मेवारीहरू – अर्थात तपाईंका रोजगार सर्तहरू – फिनल्याण्डका कानुन र संयुक्त सम्झौताहरूद्वारा नियन्त्रित हुन्छन् ।
फिनल्यान्डमा विदेशी कर्मचारीहरूसँग फिनिस कर्मचारीहरूजस्तै समान अधिकार र जिम्मेवारीहरू हुन्छन्।
उमेर, जातीयता, राष्ट्रियता, भाषा, धर्म, आस्था, विचार, राजनैतिक क्रियाकलाप, श्रमिक संघ क्रियाकलाप, पारिवारिक सम्बन्धहरू, स्वास्थ्य, अपाङ्गता, लैङ्गिक झुकाव वा कर्मचारीको व्यक्तित्वसँग सम्बन्धित कुनै पनि आधारमा कुनै पनि भेदभाव गर्ने अनुमति दिइने छैन । फिनल्याण्डमा लिङ्ग, लैङ्गिक पहिचान वा लैङ्गिक अभिव्यक्तिका आधारमा गरिने भेदभाव पनि निषेध गरिएको छ।
उदाहरणका लागि, तपाईं विदेशी कर्मचारी भएका कारणले तपाईंको भुक्तानी घटाइने छैन ।
संयुक्त सम्झौताहरू
सामूहिक सम्झौता (फिनिस भाषामा “työehtosopimus”, प्रायः “TES” भनेर संक्षेप गरिने) भनेको कर्मचारीहरूको प्रतिनिधित्व गर्ने ट्रेड युनियन र रोजगारदाता संघबीच वार्तामार्फत तय गरिने यस्तो सम्झौता हो, जसले रोजगारदाता र कर्मचारीका अधिकार तथा दायित्वहरू, अर्थात् सम्बन्धित क्षेत्रमा रोजगारीका सर्त तथा शर्तहरूबारे व्यवस्था गर्छ। यसमा ज्याला, ज्याला पूरक र काम गर्ने घण्टा समावेश छन् तर सीमित छैनन्।
लगभग हरेक उद्योगसँग संयुक्त सम्झौता हुन्छ। उदाहरणका लागि, खुद्रा, सरसफाइ, आवास तथा खाद्य सेवा, कृषि र निर्माण उद्योगहरू प्रत्येकको आफ्नै सामूहिक सम्झौताहरू छन्। तपाईंको रोजगारदाता वा श्रमिक संघबाट तपाईंको उद्योगको संयुक्त सम्झौताको प्रतिलिपि अनुरोध गर्नुहोस् ।
तपाईंले फिनिस ट्रेड युनियन कन्फेडेरेसन (SAK’s) को अनलाइन सेवा (फिनिस, स्विडिश र अङ्ग्रेजीमा) मार्फत आफ्नो क्षेत्रको सामूहिक सम्झौता खोज्न सक्नुहुन्छ: आफ्नो क्षेत्रका लागि ट्रेड युनियनको परिचय पृष्ठमा क्लिक गरेर सुरु गर्नुहोस् (Get to know the union)। पृष्ठको तलतिर, तपाईंले ट्रेड युनियनले वार्ता गरेको सामूहिक सम्झौताहरूको लिङ्क पाउनु हुने छ।
सामूहिक सम्झौताहरूले केही विषयमा कार्यस्थलमै स्थानीय रूपमा सहमति गर्न अनुमति दिन सक्छन्। स्थानीय सम्झौताहरू सधैँ पसलका प्रबन्धक वा अन्य कर्मचारी प्रतिनिधि र रोजगारदाता बिच गरिन्छ। आफ्नो उद्योगको सामूहिक सम्झौतामा स्थानीय सम्झौता प्रक्रिया जाँच गर्नुहोस्।
संयुक्त सम्झौताहरू रोजगार सम्झौताहरू जस्तै होइनन् ।
रोजगार सम्झौताहरू
तपाईं नयाँ काम सुरु गर्दा, रोजगारदातासँग लिखित रोजगारी सम्झौतामा हस्ताक्षर गरेको सुनिश्चित गर्नुहोस्। समस्या परेमा, तपाईंले काम सुरु गर्दा के कुरा सहमतभएको भनी जाँच गर्न करार हेर्न सक्नुहुन्छ।
रोजगार करारमा, तपाईं निश्चित कार्य गर्न सहमत हुनुहुन्छ र तपाईंको रोजगारदाताले निश्चित क्षतिपूर्ति भुक्तान गर्न र रोजगारका सर्तहरू पालना गर्न सहमत हुन्छ।
तपाईंले आफ्नो रोजगारी सम्झौता सधैँ लिखित रूपमा गर्नुपर्छ। मौखिक करारहरू पनि मान्य हुन्छन् तर तपाईंलाई समस्या छ भने, तपाईंसँग लिखित करार भएको खण्डमा तपाईं के कुरामा सहमत हुनुभएको थियो भन्ने कुरा प्रमाणितसिद्ध गर्न सहज हुन्छ। तपाईंले मौखिक करार गरेको भए तापनि तपाईंको रोजगारदाताले तपाईंलाई रोजगारका सर्ताहरू लिखित रूपमा दिनुपर्छ।
रोजगार करारका सर्तहरू कम्तीमा पनि संयुक्त सम्झौता जत्तिकै राम्रो हुनुपर्छ।
आफ्नो रोजगार करार निम्न कुराका लागि सधैं जाँच गर्नुहोस्:
- रोजगारदाताको नाम।
- कर्मचारीको नाम, अर्थात् तपाईंको नाम।
- काम सुरु हुने मिति।
- के त्यहाँ परीक्षण अवधि छ? त्यो कति समयको छ?
- परीक्षणकालको उद्देश्य तपाईं र तपाईंको रोजगारदातालाई रोजगारी सम्झौता जारी राख्ने कि नराख्ने भन्नेबारे विचार गर्न समय दिनु हो। यसको अधिकतम अवधि सामान्यतया छ महिनासम्म हुन्छ। परीक्षणकालको अवधिमा कर्मचारी वा रोजगारदाताले सूचना अवधिविना नै रोजगारी सम्झौता रद्द गर्न सक्नुहुन्छ।
- रोजगारीको अवधि:
- तपाईंको रोजगारी स्थायी (अनिश्चितकालीन वा निरन्तर) हो कि अस्थायी (निश्चित अवधि) हो?
- अस्थायी सम्झौताहरूमा अस्थायी प्रकृतिको कारण उल्लेख गर्नुपर्छ। यद्यपि, फिनिस सरकारले प्रस्ताव तयार गरिरहेको छ जसले एक वर्षसम्मको रोजगार सम्झौता उचित कारणविना नै गर्न अनुमति दिने छ। यो 2026 कै सुरुमा लागू हुन सक्छ।
- निश्चित अवधिको रोजगार सम्झौताको अन्त्य मिति वा अनुमानित अन्त्य मिति।
- काम कहाँ गरिने छ?
- तपाईंका कार्यहरू के हुन्?
- तपाईंको कामका लागि कति तलब पाउनुहुन्छ?
- संयुक्त सम्झौताले न्यूनतम भुक्तानी निर्णय गर्छ। फिनल्याण्डमा न्यूनतम भुक्तानीको कुनै विधान छैन।
- तपाईंको ज्याला भुक्तानी गरिएको मिति।
- काम गर्ने घण्टा वा तपाईं कति घण्टा काम गर्नु हुने छ।
- फिनल्याण्डमा पूर्णकालीन काम भन्नाले सामान्यतया हप्तामा 5 दिन काम गर्नु र दिनमा 8 घण्टाभन्दा बढी काम नगर्नु भन्ने बुझिन्छ।
- तपाईंले सिफ्टमा काम गर्नुहुन्छ भने, तपाईंको काम गर्ने समय फरक हुने छ। यद्यपि, तिनीहरूले क्षेत्रको सामूहिक सम्झौताको पालना गर्नुपर्छ।
- फिनल्याण्डमा कानुनले अतिरिक्त समय र आइतवारको कामका लागि अतिरिक्त पारिश्रमिक दिन अनिवार्य गर्छ। साँझ वा बिदाका दिनको कामको क्षतिपूर्ति प्राय: संयुक्त सम्झौतामा समावेश गरिएको हुन्छ ।
- तपाईं आंशिक-समयको सम्झौता गरिरहनुभएको छ भने, प्रयाप्त भुक्तानी प्राप्त गर्न प्रयाप्त कार्य घण्टा भएको सुनिश्चित गर्नुहोस्। न्यूनतम घण्टाको सङ्ख्या भन्नाले तपाईंले आफ्नो रोजगार सम्झौतामा प्रतिज्ञा गरिएको कम्तीमा घण्टाको सङ्ख्या प्राप्त गर्नु हुने छ भन्ने हो।
- उदाहरणका लागि, तपाईंको रोजगारी सम्झौतामा हप्तामा 0–20 घण्टा भनिएको छ भने, केही हप्तामा तपाईंलाई कुनै काम वा ज्याला नपर्न सक्छ।
- तपाईंले रोजगारदाताको पहलमा काम गर्ने घण्टा (जस्तै, प्रति हप्ता 10-30 घण्टा) परिवर्तनशील बनाउन सहमत हुनुभएको छ भने, रोजगारदाताले तपाईंलाई व्यवहारमा तपाईंको काम गर्ने घण्टा कसरी फरक हुने छ भन्ने कुराको स्पष्टीकरण प्रदान गर्नुपर्छ।
- तपाईंले कहिले र कति घण्टा काम गर्नुभयो भन्ने कुरा सधैँ लेखेर राख्नुहोस्। तपाईं आफूलाई सही रूपमा भुक्तानी भएको सुनिश्चित गर्नका लागि आफ्ना टिपोटहरू जाँच गर्न सक्नु हुने छ। यो विवादमा पनि सहयोगी हुन सक्छ।
- वार्षिक बिदा निर्धारण:
- तपाईंले महिनामा कम्तीमा 35 घण्टा वा 14 दिन काम गर्दा वार्षिक बिदा जम्मा हुन्छ।
- यदि तपाईं एक वर्षभन्दा कम समयदेखि रोजगारमा हुनुहुन्छ भने, तपाईंले प्रत्येक महिनामा दुई दिन बिदा जम्मा गर्नुहुन्छ।
- एक वर्षभन्दा बढी समय काम गरेपछि, तपाईंले प्रत्येक महिनामा 2.5 दिन बिदा जम्मा गर्नुहुन्छ।
- सूचनाको अवधि:
- सूचनाको अवधि भन्नाले तपाईं वा तपाईंको रोजगारदाताले तपाईंको रोजगारी सम्झौता समाप्त भए पश्चात कति समय काम गर्नु पर्छ भन्ने हो।
- रोजगारदातासँग तपाईंको रोजगारी अन्त्य गर्न सधैँ वैध कारण हुनुपर्छ।
- वैध रहेको अवस्थामा रोजगारदाताले तय गरिएको अवधिको रोजगार करार समाप्त गर्ने छैन।
- कर्मचारीहरूले तय गरिएको रोजगार करार वैध रहेसम्म राजिनामा दिने छैनन् तर यसका बारेमा उहाँहरूले आफ्नो रोजगारदातासँग समझदारी गर्न सक्नु हुने छ।
- तपाईंको कामका लागि संयुक्त सम्झौता के हो?
हस्ताक्षर गर्नुअघि आफ्नो रोजगार सम्झौता ध्यानपूर्वक पढ्नुहोस्। तपाईंले नबुझेको कुनै कुरामा कहिल्यै पनि हस्ताक्षर नगर्नुहोस्।
तपाईं कर्मचारी हुनुहुन्छ कि स्वरोजगारमा हुनुहुन्छ भन्ने कुरा जाँच गर्नुहोस्
तपाईंले हस्ताक्षर गर्न लागेको कुरा वास्तविक रोजगारी सम्झौता (फिनिसमा “työsopimus”) नै हो भन्ने सुनिश्चित गर्न सधैँ आफ्नो रोजगारदातासँग जाँच गर्नुहोस्। तपाईंको रोजगारदाताले तपाईंलाई कर्मचारीका रूपमा होइन, स्वरोजगार व्यक्तिका रूपमा काम प्रस्ताव गर्नुहुन्छ भने, तपाईंले काम गर्ने सो कम्पनीसँग तपाईंको रोजगारी सम्बन्ध हुँदैन। यस अवस्थामा, रोजगार सम्झौताको सट्टा, सम्झौतालाई “कमिसन सम्झौता” (फिनिसमा “toimeksiantosopimus”) भन्न सकिन्छ।
स्वरोजगार व्यक्तिका रूपमा, तपाईं फिनल्याण्डको काम गर्ने समयसम्बन्धी र व्यावसायिक स्वास्थ्य तथा सुरक्षासम्बन्धी कानुनद्वारा संरक्षित हुनुहुन्न र तपाईं व्यावसायिक स्वास्थ्य सेवाको हकदार पनि हुनुहुन्न। त्यसैगरी, तपाईं स्वरोजगारमा हुनुहुन्छ भने, रोजगारदाताले तपाईंलाई कानुनले अनिवार्य गरेको व्यावसायिक दुर्घटना तथा व्यावसायिक रोग बीमा उपलब्ध गराउने छैन। बरु, तपाईंले आफ्नो बीमा आफैँ व्यवस्था गर्नुपर्छ।
तपाईंको कामले रोजगारी सम्बन्धका विशेषताहरू पूरा गर्छ भने, तपाईंले उदाहरणका लागि “कमिसन सम्झौता” मा हस्ताक्षर गर्नुभएको भए पनि, फिनल्याण्डको कानुनअनुसार त्यसलाई रोजगारी सम्बन्ध नै मानिन्छ।
ज्याला पर्ची
ज्याला बैंक खातामै जम्मा गरेर भुक्तानी गर्नुपर्छ। कुनै बाध्यकारी कारणले मात्र ज्याला नगदमा भुक्तानी गर्न सकिन्छ। यस्तो कारण कर्मचारीसँग बैंक खाता नहुनु हुन सक्छ। बैंक खाताहरू व्यक्तिगत हुन्छन्।
खाता खोल्दा तपाईंलाई पासपोर्ट वा अन्य आधिकारिक पहिचान कागजात चाहिन्छ। तपाईंसँग फिनिस व्यक्तिगत पहिचान कोड छ भने खाता खोल्न सजिलो हुन्छ। तपाईंले डिजिटल र जनसङ्ख्या डाटा सेवा एजेन्सीबाट व्यक्तिगत पहिचान कोडका लागि आवेदन दिन सक्नुहुन्छ। व्यक्तिगत पहिचान कोडका लागि आवेदन दिने बारे थप विस्तृत निर्देशनहरूका लागि, डिजिटल र जनसङ्ख्या डाटा सेवा एजेन्सीको वेबसाइट (फिनिस, स्विडिश र अङ्ग्रेजीमा) हेर्नुहोस्। बैंक खाता खोल्न तपाईंलाई अरू कुन–कुन कागजात आवश्यक पर्छन् भन्ने कुरा बुझ्न आफ्नो बैंकसँग जाँच गर्नुहोस्।
तपाईंले तलब प्राप्त गर्दा, तपाईंले सधैँ तलब पर्ची पनि प्राप्त गर्नुपर्छ। तलब पर्चीमा तपाईंलाई कति तलब भुक्तानी गरिएको छ, तपाईंको कुल तलबबाट के कटौती गरिएको छ र तपाईंको खातामा कति पैसा जम्मा हुने छ, अर्थात् तपाईंको खुद तलबको विवरण हुन्छ।
तपाईंले प्रत्येक पटक तलब प्राप्त गर्दा कर तथा अन्य कानुनी रूपमा अनिवार्य भुक्तानीहरू तिर्नुहुन्छ। यसको अर्थ तपाईंले आफ्नो खातामा प्राप्त गर्ने तलब तपाईंको रोजगार सम्झौतामा सहमति भएको ज्यालाको पूर्ण रकम हुने छैन।
सधैँ आफ्नो तलब पर्ची ध्यानपूर्वक जाँच गर्नुहोस्! तपाईंले तलब पर्चीका सर्तहरूका अनुवादहरू चित्रको तल भेट्टाउन सक्नुहुन्छ।
फिनिसमा नमुना तलब पर्ची
तलब पर्चीका क्षेत्रहरूको अनुवाद
Maksupäivä
भुक्तानी मिति
Henkilötunnus
व्यक्तिगत पहिचान कोड
Maksetaan tilille
खातामा जम्मा गरिएको
Käytettävissä olevat lomapäivät
बिदाका दिनहरू उपलब्ध छन्
Verokorttitiedot
कर कार्ड जानकारी
Veroprosentti
कर दर
Lisäprosentti
अतिरिक्त रोक्का
Palkkakausi
भुक्तानी अवधि
Ammattinimike
पदको नाम
Työsuhteen aloituspäivä
रोजगारीको सुरुवात मिति
Uusi lomapäivien kertymä
बिदाका दिनहरूको नयाँ संचय
Määrä
मात्रा
Yksikköhinta
एकाइ मूल्य
Palkkajaksolla
तलब अवधिमा
Vuoden alusta
वर्षको सुरुवातदेखि नै
€/t (euroa per tunti)
€/t (प्रति घण्टा युरो)
Rahapalkka
नगद भुक्तानी
Bruttopalkka
कुल भुक्तानी
Lauantailisä
शनिवारको भत्ता
Sunnuntailisä
आइतवारको भत्ता
Lisät yhteensä
कुल भत्ताहरू
Bruttopalkka yhteensä
जम्मा कुल तलब
Ennakonpidätys (sis. sairausvakuutusmaksun)
रोक्का कर (स्वास्थ्य बीमा योगदानसहित)
Työeläkemaksu
आम्दानीसँग सम्बन्धित पेन्सन योगदान
Työttömyysvakuutusmaksu
बेरोजगारी बीमा योगदान
Vähennykset yhteensä
कुल कटौतीहरू
Nettopalkka
खुद तलब
Ay-jäsenmaksu
ट्रेड युनियन सदस्यता शुल्क
Maksetaan
भुक्तानी गर्नुपर्ने
काम गर्दा तलबविना तालिम
आधिकारिक शैक्षिक संस्था वा सार्वजनिक रोजगार सेवाहरूमार्फत नियुक्ति प्रदान गरिएको अवस्थामा मात्र कामको क्रममा तलब नलिई दिइने तालिम कानुनी हुन्छ। कुनै रोजगारदाताले उपयुक्त उम्मेदवारको परीक्षण गर्न चाहनुहुन्छ भने, उहाँहरूले रोजगारी सम्झौतामा परीक्षण अवधि समावेश गर्न सक्नुहुन्छ। तपाईंले परीक्षण अवधिमा पनि तलब पाउनै पर्छ।
तपाईंसँग अभिमुखीकरणको अधिकार छ
अभिमुखीकरण भन्नाले तपाईंलाई तपाईंको काम र कार्यस्थलका नियमहरूका बारेमा पढाउनु हो। अर्को शब्दमा भन्नु पर्दा, तपाईंलाई तपाईंको काम र कार्यस्थल, कार्यस्थलको सामान्य निर्देशन, मेसिन र उपकरणहरूको प्रयोग, सुरक्षित काम गर्ने तरिका र तपाईंको कामको जोखिम र जोखिमहरूका बारेमा जानकारी दिइने छ। तपाईंलाई आफ्नो परिचयात्मक तालिम अवधिका लागि तलब दिइनै पर्छ।
तपाईं बिरामी पर्नुहुन्छ भने, तपाईं कामबाट अनुपस्थित हुन पाउने हकदार हुनुहुन्छ
तपाईं बिरामी पर्नुहुन्छ भने, तपाईं किन अनुपस्थित हुनुहुन्छ भन्ने कुरा तुरुन्तै आफ्नो रोजगारदाता वा प्रबन्धकलाई जानकारी दिनुहोस्। तपाईंको रोजगारदातालाई यो आवश्यक छ भने, प्रमाणपत्रका लागि चिकित्सकलाई र प्रमाणपत्र तपाईंको रोजगारदातालाई पठाउनुहोस्।
तपाईंका लागि काम गर्ने दिन भएको भए, तपाईं बिरामी परेको दिनका लागि तपाईंलाई बिरामी तलब दिनुपर्छ। तपाईंको बिरामीपन जारी रहन्छ र तपाईं काम गर्न असमर्थ हुनुहुन्छ भने, तपाईं बिरामी परेको दिनपछि आउने 9 कार्यदिवसहरू (ती तपाईंका लागि काम गर्ने दिन पर्थे भने) का लागि कानुनअनुसार तलब पाउने हकदार हुनुहुन्छ। तपाईंले एउटै काममा कम्तीमा 1 महिना काम गर्नुभएको छ भने, तपाईंलाई तपाईंको सामान्य नियमित तलब पूरा भुक्तानी गरिने छ। तपाईंले एक महिनाभन्दा कम समय काम गर्नुभएको छ भने, तपाईंले आफ्नो सामान्य नियमित तलबको आधा (50%) प्राप्त गर्नु हुने छ।
बिरामी भुक्तानीका बारेमा अन्य प्रावधान भएमा सो हेर्न उद्योगको संयुक्त सम्झौता पनि जाँच गर्नुहोस्। सामान्यतया, सामूहिक सम्झौताहरूले राम्रो सर्तहरू प्रदान गर्दछ, जसको अर्थ तपाईं लामो समयसम्म बिरामी हुनुहुन्छ भने, तपाईंले नौ दिनभन्दा बढीका लागि पूरा तलब पाउनु हुने छ।
पेशागत स्वास्थ्य स्याहार
तपाईंको स्वास्थ्य र काम गर्ने क्षमताको स्याहार गर्न मद्दत गर्न रोजगारदाताहरूले व्यावसायिक स्वास्थ्य सेवाको व्यवस्था गर्नुपर्छ। धेरै रोजगारदाताले आफ्ना कर्मचारीहरूलाई चिकित्सा सेवाहरू पनि प्रदान गर्नुहुन्छ।
दुर्घटना र पेशागत रोगहरू विरुद्ध तपाईंको बीमा गर्नु पनि रोजगारदाताहरूको दायित्व हो। उदाहरणका लागि, बीमाले कार्यस्थलमा वा तपाईंको यात्राको क्रममा लागेको चोटपटकलाई कभर गर्न सक्छ। तपाईंको काममा दुर्घटना भयो भने, तपाईंले तुरुन्तै आफ्नो रोजगारदाता वा सुपरिवेक्षकलाई रिपोर्ट गर्नु महत्त्वपूर्ण छ।
थप पढ्नुहोस्
आन्तरिक मन्त्रालयको कार्य सहयोग फिनल्याण्ड मोबाइल अनुप्रयोग फिनल्याण्ड आउने विदेशी कर्मचारी र पहिले नै फिनल्याण्डमा बसोबास गर्नेहरूका लागि हो। यो एपले फिनल्याण्डमा कर्मचारीका रूपमा तपाईंका अधिकार र दायित्वसम्बन्धी जानकारी प्रदान गर्छ।
एप डाउनलोड गर्नुहोस् (फिनिस, अङ्ग्रेजी, अल्बानियाली, अरबी, बङ्गाली, बोस्नियाली, दारी, स्पेनी, फारसी, हिन्दी, कुर्दी, म्यान्डरिन चिनियाँ, नेपाली, पोर्चुगाली, फ्रान्सेली, रोमानियाली, स्विडिस, सोमाली, थाई, टर्किस, युक्रेनी, उज्बेकी, उर्दू, रुसी, भियतनामी र एस्टोनियालीमा)
इन्फोफिनल्याण्ड बहुभाषी वेबसाइट हो जसले फिनल्याण्ड सर्ने योजना बनाइरहेका वा पहिले नै यहाँ बसोबास गरिरहेका व्यक्तिहरूलाई जानकारी प्रदान गर्दछ।
फिनल्याण्ड (फिनिस, स्विडिस, अङग्रेजी, रुसी, एस्टोनियाली, युक्रेनी, फ्रान्सेली, स्पेनी, टर्किस, चिनियाँ, फारसी र अरबीमा)